Saturday, November 19, 2011

Dan in-nar jaqbad f'nofs ta' lejl

Dan in-nar jaqbad f'nofs ta' lejl...

Kemm qed jixel, kemm qed jimla dawn l-għajnejn kaħlanin jisfnu fil-baħar, bil-ħajja li għixet f'din ir-ruħ tal-lejl... o dan in-nar, din l-assenza li tagħmilni: il-ħajja, il-poeżija... Jien fejn jien, jien minn jien, il-maskla li nideċidi li nilbes... naf li qatt mu ħa tħallini... Fuq is-sodda tal-mewt, sittien sena oħra, ta' tmenin, f'dinja li ma nafx, f'dinja fejn ma hemmx post il-poeżija, nispera li dan in-nar jibqa jaqbad, imqar f'dawn il-ġiex għajnejn kaħlanin li jien tant nobgħod, li tant inħaddan... o natura, o evuluzzjoni, int xi ħlaqt? Din il-kreatura, dan il-ġisem, dan il-moħħ... Dan il-poeta mitluf fil-mistoqsija...

Il-kimika li tħawwad il-kimika u l-eletrikku. Din il-ħajja mimlija misteru, tibqa hemm titantani, waqt li ġismi intosifikat (bl-alkoħol) bil-kimika li tħawwad il-kimika, tinkini, tistedini biex insaqsi l-mistoqsija, biex infittex ir-risposta. L-ironija tas-sitwazzjoni meta jien naqa għal-din it-tentazzjoni meta r-risposta jiena ġa għandi... l-fjura trid iċedi għal-kesħa tax-xitwa li qed tħabbat wara l-bieb tal-ħarifa... għaliex hekk biss iż-żerriegħa tista tistaħba fil-kenn tal-ħamrija sar rebbiegħa ġejjiena, biex għal-darba oħra tistieden il-ħajja biex tinbet u timla l-vojt tas-silġ u l-mewt tax-xitwa...

O kliem ħelu, bħaż-żebgħa fuq il-pinzel ta' pittur, int togħbdini u tħobbni u tħallini nesprimi dak li ilu mistur ġewwa l-fond ta' qalbi... o musika, bħal-għeliqi u s-siġar li l-pittur jara quddiemu, inti ttini l-ispirazzjoni, l-motivazzjoni biex inkompli nimbotta, biex inkompli nfittex u ngħix... Inħobbok o peożija għaliex int għal-darba oħra provdejt is-serħan ta' moħħ, tal-qalb lil din ir-ruħ għatxana, kurjuża għar-risposti, għal-misteri li mhux tagħha biex tiskopri... tal-ħajja, ta' l-ispirtu...

Grazzi o poeżija, grazzi o lejl...

Thursday, November 17, 2011

Jien ħaj...

Jiena ħaj u bl-ebda mod ma jien ħa mmut...
Il-warda tal-plastik jien armejt...
L-imħabba għ
amja iġalek tiġbora, iġalek tiġbora minn ġod-demel...
Imħabba pura, imħabba għamja
Imma mħabba waħeda mhux biż-żejjed
Hemm il-moħħ, hemm il-ħ
sieb,
Iridu jintużaw...

Moħħi jien użajt, moħħi jien ħa nuż
a, ħa nużaħ biex nuri lil qalbi il-verita,
U qalbi ferħet, qalbi inħelset mil-ktajjen ta' din l-imħabba għamja u inkundizzjonata... din l-imħabba marida... 

Qalbi titla l-fuq, moħħi jistrieħ u ruħi tinħeles... 

Tbissima fuq wiċċi reġet tfaċċat, 
tbissima vera, tbissima mil-qalb...
 tbissima tal-warda bajda vera...


Il-warda tal-plastik għarmejta u jien hemm ha nħalija, ġod-demel... għax dik hemm posta...

U din id-dinja vojta u għamja li tiprefferu tgħixu fija?

"U din id-dinja vojta u għamja li tiprefferu tgħixu fija? Dinja tal-plastik, dinja tal-materja, dinja ta’ xejn iżjed min dak li is-sensi jħalluwk tara, iduq, timsa, ixomm u tħoss… id-dinja tagħkhom sa hemm tasal… il-qalb, u l-emozzjoni… dak li vera jagħmlek uman, ħaj, inthom tibżu minnu… iwerwirkhom… li taħseb u tħoss... li tmur lilhin mil-ġisem huwa wisq għalikhom… u inthom, dawk fostkhom li għandkhom il-grazzja tal-moħħ u l-intelliġenza, imma tiprefferu tkunu pupazzi, skjavi tad-drapp, biex l-oħrajn li huma inqas ixxurtjati minkhom, jaċċetawkhom u jagħmlukhom allat tal-lejl, tal-kantuniera… fejn hemm… f’dak il-mument ta’ passjoni, ta vjolenza, ikunu qed jagħmlu massakru minhkom, mill-vera persuna li int ġo f’qalbek… 


Injoranti… 


Kollox ħelu, kollox manna, kollox ileqq u kollox sabiħ… 


Illum int ragel, inti mara skond il-ħwejjeg li tilbes… illum il-kejl ta l-irġulija, ta’ kemm inti mara huwa id-drapp, l-ammont ta’ alkohol li int kapaci tikonsuma f’lejl u kemm int kapaċi tarmi lil ġismek bħal tuffieħa mikula. Bħal gazzetta tal-ħadd, taqra darba umbgħad tarmija… 


Kemm aħna intelliġenti… Kemm aħna popolari… Kemm aħna maħbubin… 


Inhobbok… Intilfet il-vera tifsira ta mħabba llum… Inħobbok… Inħobbok sa kemm int tħallini nisfrutta lil ġismek kif jogħġob lili, lil bżonnijiet karnali tiegħi… 


Għamjin, għamjin u għamjin… tant kemm aħna għamjin li llum, mhux biss nażlu l-ħwejjeg min wara l-ħġieġ tal-vetrini, imma tali nażlu wkoll lil min ħa nkellmu, lil min ha nkellmu min wara din il-ħġieġa li tiproduċċi dawl iteptep… vetrina virtwali… Din min hi? Le, jaqq xi kruha fija? U dan min hu, kemm hu sabiħ? Ħa nkellmu lil dan għax i li nara jogħġobni… l-ewwel waħda ma jistħoqlux cans? L-ewwel waħda x’għanda inqas mit-tieni wieħed? Ġisem? Ħwejjeg sbieħ u pożi foloz li fiż-żmien kienu jagħmlu l-buffi fiċ-ċirklu? 


Boloħ, għamjin u mitlufin f’dlam dak id-dawl ta’ illusjoni, ta’ perfezzjoni, ta’ sbuħja falza… Qumu mir-raqda, ieqfu u aħsbu! Ħarsu madwarkhom u araw flim farsa qed tgħixu! Kull fejn tħares, kull fejn tara, gideb sbieħ li jbelawilek li int għandek bżonn dik il-pinzetta biex tiranġa suf għajnejk, jew li ghandek bzonn dik il-fwieħa, dik il-kimika velenuża sa biex in-nisa jiġru waraj! 


Qumu minn hemm a ħajjin mejtin u araw x’ini il-vera ħajja! Il-vera ħajja huwa s-sempliċi nifs li int tieħu matul il-jum, matul lejl. L-ewwel nifs li tieħu meta għal l-ewwel darba toħroġ minn ġuf ommok għal dawl il-xemx… miraklu… In-nifs li int tant tieħdu zgur li lanqas biss int konxju tal-kumplessita, u tal-preccizjoni involuta biex int tkun tista biss idaħħal l-arja minn ġo l-atmosfera għal-qiegħ il-pulmuni tiegħek! U kemm tieħu żgur ix-xemz li titla fis-sema kull filgħodu, kemm tieħu żgur il-fjura li tiftah għal-dawl dik ix-xemx, kemm tieħu żgur dan il-bilanċ delikat, fraġli tan-natura, tal-ħajja… Istħi int li tiġi taqa u tqum, li tirfes il-fjura, li tagħmel lilek innifsek ikbar min snin twal ta’ evolużżjoni, ta’ żbalji perfetti li konsegwenza tagħhom hija int. Ġismek, moħħok, qalbek… Istħi int li tgerger għax niżlet ix-xita mis-swemmiet, istħi int li azzardajt takkuża x-xemx għaliex tiżreg iż-żejjed… Għandek idea taż-żmien li għadda min fuq l-istorja tal-bniedem biex int stajt tħoss l-ilma fuq riġlejk, fuq idejk, fuq wiċċek, għandek idea kemm għadda żmien biex int stajt tara dak id-dawl, biex tikkonċepih u biex il-bniedem żvillupa l-intelletwalita u l-emożżjoni biex int stajt tapreżża dak id-dawl? 


Gerger, kompli għafeg, kompli prova sib id-dawl fid-dlam, fil-plastik, fil-farsa! Kompli għax inti taf o bniedem intelliġenti, o bniedem alla, kompli għazel li tirrifjuta li tieqaf u tara x’hemm wara il-biċċiet tal-palk, wara il-maskli li l-atturi jilbsu! Hemm fjur, hemm bniedem b’potenzjal, hemm il-mohh, hemm l-emozzjoni, hemm il-qalb, hemm il-ħajja…" 

Harist il-fuq u rajt il-weraq jisfen mar-rih...


Kemm nixtieq ningassa u nħażżeż fuq dik il-pastażata ta’ karta ta’ soċjeta! Tħares lejha, tidher sabiħa, miktuba b’pinna ta’ l-aqwa kwalita… kollox kif suppost, kollox sabiħ. Ffirmata bill-bniedem, ssiġilata b’xemgħa ħamra, ċurkett tad-deheb.

Tibda taqra il-miktub, oxxeneta, attroċita u kruha… kruha ta’ kliem…Imċapsa b’demm l-innoċenti, bid-dmugħ ta’ dak li joħlom…
Puppazzi, ġugarelli, priġunieri tar-regoli, tal-materja, ta’ dak li hu mistenni…

Jaħasra, msiken… kemm ma nafu xejn…

Għala flokk jisejjaħ flokk u mhux qalziet? Għala nemmnu dak kollu li nisimu? Għala kuntenti hawn, f’din il-geġwiġija ta’ magni u toroq? Għala ma rridux ninħalu min dawn il-ktajjen marbutin ma dik l-istampa fittizja li penġejna?

Diffiċli…

Naf li ċertu sens ta’ ordni huma kruċjali biex niċaqilqu, biex ngħixu ħajjitna b’sens ta’ ċivilizzazjoni. Imma aħna konxji li għandna alinqas iċ-ċans li nagħżlu? Li għandna l-kapaċita li ninħelsu mil-kobba spag li ħabbilna u nqbadna fija? Li għandna l-kapaċita, l-potenzjal li nimbutaw lilna nfusna biex inkunu individwi aħjar, miftuħin  għal-ideat u esperjenzi ġodda, akbar fiċ-cokon tagħhom stess?

Ieqaf u aħseb… induna u rrealiza bis-saħħa li għandna biex intejbu lilna nnufsna u l-ambjent li ngħixu fih… Bil-potenzjal biex nikbru bħala individwi, bħala kolletiv.

L-univers sabiħ… Id-dinja sabiħa… mimlija mirakli… mirakli kbar… mirakli zgħar... mirakli li jekk tagħti ċans jimlewk kapaċi jwaqqfulek qalbek, nifsek…

Il-qafas ta’ sidirna, jitla u jinżel man-nifs, il-weraq jisfnu mar-riħ, id-dellijiet jimxu max-xemx, l-mewġ jaħbat mal-blat…
Muviment il-ħajja… Muviment il-ħajja…

Jien…

Jien waqaft…

Jien waqaft u rajt dik il-biċċa karta miktuba b’pinna ta’ l-aqwa kwalita, ssiġilata b’xemgħa ħamra, ċurkett tad-deheb… rajta kif inhi, ta’ li hi… rajt il-verita…

Ħarist il-fuq… ħarist il-fuq u rajt il-weraq jisfen fir-riħ… Ħassejt… ħassejt id-demm sħun jiġri fl-arterji u fil-vini… Ħassejt il-ħajja għaddeja min ġo fija u ntlift… ntlift…

Ma hemmx ghal fejn tifimni

Ma hemmx ghal fejn tifimni. Ma hemmx ghal-fejn tkun taf il ghaliex il-lejl, it-triq, id-dawl isfar tal-lampi, ir-rih, is-sigar u l-weraq li jien terraqt fuqhom fehmuni. Mali ghidtilhom l-istorja tieghi tbissmu u l-arja friska ta' dan il-lejl sajfi fakritni ghal darba ohra li jien haj, li jien uman... bniedem. Qaluli "tibzax, imbili l-karozza, l-magna aljenata tadi tigri min hdejk, int mintix minsi. Ahna nhobbuk. Ahna nafuk. Ahna ma ninsewkx. Mintix tismahom in-noti tal-musika u l-gittara tigref mat-tambur ta' widnejk? Hu sahhithom u (kompli ghix), kompli tpaxxa bil-gmiel tal-lejl. Orqod u ghada qum. Qum u kompli iggieled kontra dik il-magna kiesha, aljenata tas-socjeta u erga fakkara li minghajrek ma (tahdimx) tistax tkun kompluta. Inti rota fost dik il-kumplessita, gegwicija ta' hadid msaddad, mikul. Inti rota li tati l-hajja, li tfakkar l-partijiet l-ohra li mhumiex skajvi ta' dak il-monstru li halqu huma stess. Kompli tpaxxa bil-gmiel tal-lejl. Kompli tpaxxa bin-noti helwin tal-musika u strieh. Strieh u hu sahhtek lura u ghada qum u ftakar li alovolja rota, inti wkoll uman. Bniedem haj... Bniedem haj...

U din il-qalb hamra, thabbat, tnixxi d-demm...


U din il-qalb hamra, thabbat, tnixxi d-demm, tibki ghal-darba ohra. Fil-mera tbissima, dahka, tanniqa. "Kollox sew, ma gara xejn, il-hajja tkompli".

Dan il-guvni ferut, jkompli mixi, jzomm il-gerha b'idu, d-demm jcarcar min bejn is-swaba.

"Ma gara xejn, tinkwetax, mhux tort tieghek. Din hi l-hajja habib". 

Ghoxrin sena u qalbi ga mqatta, mtertqa u spulpjajta. Fil-fond ta' qalbi, spazju ghar-rabja ma ghandix. Fil-fond ta' qalbi spazju ghal-imhabba ma fadalx. Ir-raguni tilfet kul sens u bil-mod il-mod qed nintelaq fil-bahar imqaleb. Bil-mod il-mod qed nerhi lili nnifsi fil-kurrent. Qed inhalli il-gegwigija tahkimni u tiblani, biex forsi intaffi dan l-ugigh, biex forsi alinqas nati cans il-griehi f'dan il-muskoli qalb jaqdu... 

O poezija, int u jien, bhal giex mahbubin mohbijin fil-lejl, inservu ta' kenn ghal-xulxien. Is-swar, il-holma ggarfet, waqat u tfarkett mal-blat. Il-mewg tal-hajja hakimni. Bkejt dmugh id-dieqa u nixef... 

"Ma jimpurtax, ma gara xejn..."

Il-hajja tkompli u l-lejl ghal-darba ohra fetah jdejh u haddani mieghu.

Fesfisli f'widnejja l-kuragg, id-dawl, il-hajja. Dan il-bniedem jien, haj, sinonimu mal-lejl. Ferut, mwegga... imma qed jiehu n-nifs, haj... 

Pjanu, gittara, lehen; gholuni u tuni s-sahha... dawl tal-lejl urini t-triq... Dawn rigleja jridu jkomplu. Ma jridux jcedu u jien lanqas. Qalbi ha tibqa thabbat. Wara s-silg, wara l-buttuni tal-puppazz, hemm bniedem, hemm uman, hemm jien haj... guvni ta' ghoxrin sena, b'sahhtu, mimli hajja u sbuhija... hemm bniedem shih...

1:00am, 25th July, 2011

http://www.youtube.com/watch?v=7o2IqS0OPfE&feature=related